АСТАНА, 31 қаз — Sputnik. Елордалық "Астана" мен павлодарлық "Ертіс" клубтарының арасында өткен матч кезінде алаңға сары ит жүгіріп шықты.
Матч 30 қазан күні бес градустық аяз кезінде Павлодар қаласында Қазақстан чемпионатының соңғы туры аясында өтіп жатқан болатын. Суықтан тоңған ит жылынғысы келді ме екен, әлде 0:0 есеппен өтіп жатқан ойынды біраз қыздырғысы келді ме екен, әйтеуір алаңға жүгіріп шықты.
"Ертіс" капитаны Қазбек Гетериев итті көтеріп, алаңнан алып шықты
© Sputnik / Владимир Бугаев
"Ертіс" командасының капитаны Қазбек Гетериев көрермендердің қошеметімен сары итті көтеріп алып алаң сыртына шығарды. Бірақ ит футболшыларға қайтып барғысы келді. Сол себепті бұған полицейлер араласып, итті қуып жетіп, қауіпсіз жерге апаруға мәжбүр болды.
Полицей алаңға жүгіріп шыққан итті алып барады
© Sputnik / Владимир Бугаев
