АСТАНА, 20 жел – Sputnik. Қазақстан Республикасы парламенті сенатының төрағасы Қасым-Жомарт Тоқаев РФ-ның Түркиядағы елшісінің өлтірілуін "Сириядағы тұрақтылық бойынша күш салуларды бұзуға бағытталған теракт" деп атады. Бұл туралы Тоқаев өзінің твиттердегі аккаунтында жазған.
Убийство посла России в Турции — теракт, направленный на срыв усилий по стабилизации ситуации в Сирии, инцидент с серьезными последствиями.
— Kassym-JomartTokayev (@TokayevKZ) 20 декабря 2016 г.
Бұдан бұрын ҚР СІМ ресейлік тарапқа көңіл айтып, Андрей Карловтың өлтірілуін теракт деп атады.
"Егеменді елдің уәкілетті өкіліне қарсы бағытталған аталмыш лаңкестік актісі үрей ұялатуға және Түркия мен Ресейдің екіжақты қарым-қатынасына іріткі салуға бағытталған", — делінген ресми мәлімдемеде.
Түркиялық БАҚ-тың хабарлауынша, ресейлік дипломаттың өлтірілуіне байланысты бес адам ұсталған.
Көзбен көрушілердің айтуынша, көрме өтіп жатқан бөлмеге ресми костюм және галстук тағып кірген болжамды өлтіруші Мевлют Алтынташты елшінің күзетшісі деп ойлаған. Полицейлік операциясы нәтижесінде ол өлтірілді.
