АСТАНА, 29 жел — Sputnik. "Барыс" хоккей клубының сәрсенбі күні Құрлықтық хоккей лигасы Шығыс конференциясының екінші командасы "Авангардты" ұтқан матчы – осы маусымдағы ең үздік ойындардың бірі болды деп санайды қазақстандық команданың бас бапкері Эдуард Занковец.
Негізінде, бірінші периодтан соң айдын иелері 0:1 есебімен ұтылып жатқан болатын, бастапқы жиырмаминуттықтың аяқталуына бір жарым минут қалғанда "Авангард" командасынан Илья Зубов гол соққан еді.
Екінші периодта "Барыстың" жасаған шабуылдары "Авангардтың" прессингіне қарсы тұра алмай жатты. Алайда соңғы 40 минутқа Омск командасының шамасы жетпеді, үшінші периодтың басында Кирилл Панюков ҚХЛ алғашқы голын соғып, есепті теңестірді. Үш минуттан соң Мартен Сен-Пьер "Барыс" командасын алға оздырды.
Осы ойыннан соң "Барыс" 44 матчта жинаған 65 ұпайымен жетінші орыннан алтыншы орынға көтерілді. Алдағы ойынды қазақстандық клуб 4 қаңтар күні өз айдынында мәскеулік "Спартакқа" қарсы өткізеді.
