АСТАНА, 13 қаң — Sputnik. Қазақстанның басым бөлігінде атмосфералық фронтальдық бөліктердің өтуіне байланысты тұрақсыз ауа-райы сақталады, қар жауады, тек республиканың батыс және оңтүстік-батыс аймақтарында жауын-шашынсыз болады, деп хабарлайды "Қазгидромет" метеоқызметі.
Ақмола облысының кей жерлерінде күндіз бұрқасын күтіледі.
Алматы, Жамбыл, Оңтүстік Қазақстан облыстарының кей жерлерінде тұман, көктайғақ күтіледі.
Қызылорда, Маңғыстау, Атырау, Ақтөбе, Қостанай, Қарағанды облыстарында, түнде Павлодар облысының кей жерлерінде тұман болады. Солтүстік Қазақстан облыстарының кей жерлерінде бұрқасын болып, жел 15-20 м/с күшейеді.
Шығыс Қазақстан облысының кей жерлерінде тұман, бұрқасын болып, түнде жел 15-20 м/с күшейеді
