АСТАНА, 25 қаң — Sputnik. Қазақстан президенті Нұрсұлтан Назарбаев мәлімдегендей, конституциялық реформалар жобасы бүкілхалықтық талқылауға ұсынылады.
"Ұсынылатын шаралардың маңыздылығын ескере отырып, айтылған конституциялық реформалар мен бүкіл жобаны толық құрамда бүкілхалықтық талқылауға ұсынуға шешім қабылдадым. Кейбір мәселелер жарияланып, барша жұрт өз пікірін білдіруге мүмкіндік алады", — деді Назарбаев республикалық арналар эфирінде арнайы үндеуін жолдау барысында.
Президент хабарлағандай, тиісті жарлық шығарылды. "Биліктің бүкіл тармақтары барынша жұмыс істеп, арасында баланс пен тепе-теңдік болуы үшін өкілеттікті қайта бөлуді одан сайын тереңдетеміз", — деді мемлекет басшысы.
Жұмыс тобы ұсыныстарға сараптама жасап, жалпылауы тиіс. Содан кейін жобада жасалған ұсыныстар ескеріліп, президенттің қарауына беріледі.
