АСТАНА, 13 маусым — Sputnik. "Любэ" тобының әншісі Николай Расторгуевтың жүрегі ұстап, Туладағы концертіне қатыса алмай қалды, деп хабарлайды "Тульская служба новостей".
Тула қаласының бас алаңында мерекелік концерт өтуі тиіс болатын, алайда Расторгуев сахнаға шықпады. Оның орнына "Любэ" тобының хит әндерін бэк-вокалистер орындап берді. Басылымның хабарлауынша, әнші ауруханада жатыр.
Ақпан айында Расторгуев 60 жасқа толған мерейтойын атап өтіпті. "Любэ" тобы 1989 жылы құрылған.
