АСТАНА, 25 маусым — Sputnik. Пәкістанның шығысында бензовозды аударылуы салдарынан шыққан өрттен кем дегенде 140 адам қаза тапты, деп жазады РИА Новости Geo TV телеарнасына сілтеме жасай отырып.
Қайғылы оқиға Пенджаб провинциясында орын алды. Соңғы деректерге сәйкес, өрттен 140 адам көз жұмып, тағы 49-ы қатты күйікпен жергілікті ауруханаларға жатқызылды.
Тұтануға аударылған бензовоздың жанында тұрған жергілікті тұрғындар себеп болған болуы мүмкін дейді. Өйткені кейбіреулерінің қолдарында тұтанған темекі болған.
Сондай-ақ оттан ондаған автокөліктер мен мотоциклдер зақымданған. Өрт жойылды, жол қозғалысын қалпына келтіру жұмыстары жүргізілуде.