АСТАНА, 7 наурыз — Sputnik. Бұдан бұрын сотталған Саратов тұрғыны 8 наурыз қарсаңында гүл сататын дүкенді тонап кеткен деп хабарлайды РИА Новости аймақтық полицияға сілтеме жасап.
Полицейлердің айтуынша, белгісіз біреу гүл сататын дүкеннен 25 ақ және 25 ал қызыл раушан гүл ұрлап кеткен, гүлдердің жалпы сомасы 3 мың рубль тұрады екен. Ұрлықшының ізіне қызметтік ит түсіп, көп ұзамай ұсталады. Ол ұрлық жасағанын мойындағанымен, гүлдерді екі бейтаныс әйелге сыйлап үлгеріпті.
"Ойда-жоқта сыйлық алған қыз-келіншектер бұған риза болған шығар, бірақ Қылмыстық кодексте мұндай әрекеттер басқаша бағаланады", — делінген хабарламада.
Саратов тұрғыны бес жылға дейін сотталуы мүмкін.
