АСТАНА, 3 маусым — Sputnik. Қытайдың жастарға арналған сән журналы Chic Teen қазақ әншісі Димаш Құдайбергеннің суретін маусым айындағы нөмірінің мұқабасына жариялады. Бұл туралы әншінің өзі Instagram парақшасында жазған.
"Маусым айынан бастап 小资CHIC журналы мұқабасында кездескенше! Күндеріңіз сәтті өтсін!!!", — деп жазды Димаш.
Арнайы маусым нөмірі үшін Димаш Құдайберген сәнді фотосессияға қатысқан. Фотосессияның қалай өткені туралы видеоны екі апта бұрын janet leong есімді Youtube қолданушысы жариялаған болатын.
