АСТАНА, 21 қаз — Sputnik. Активтер көлемі бойынша Қазақстанның ірі банктерінің бірі Қазкоммерцбанк жұма күні қаржы институтының Qazkom жаңартылған брендін ұсынды деп хабарлайды Sputnik Қазақстан тілшісі.
Банктің жаңа брендін ірі акционер әрі директорлар кеңесінің төрағасы Кеңес Рақышев пен қаржы институтының бірқатар топ-менеджерлері Алматы қаласындағы жаңа бөлімде таныстырды.
"Банк бренді жазылуының үш нұсқасын: қазақша Қазком, орысша Казком, және ағылшынша Kazkom бірыңғай латинографтық қазақ тілді нұсқа Qazkom алмастырады", — делінген іс-шарада таратылған банк материалдарында.
