АСТАНА, 12 жел — Sputnik. Дүниежүзіндегі мұнай бағасы ОПЕК елдері мен өзге мемлекеттердің мұнай шығаруды қысқарту туралы келісімге келгеннен кейін 5%-ға дерлік қымбаттап кетті, деп хабарлайды РИА Новости сауда деректеріне сілтеме жасай отырып.
Мәскеу уақытымен 03.07-де Brent маркалы солтүстік мұнай қоспасына қарашалық фьючерстер құны бір барреліне 4,4%-ға 56,8 долларға дейін, WTI — 4,66%-ға 53,86 долларға дейін өсті.
ОПЕК-тің 30 қараша күнгі бекіткен келісімі бойынша, 2017 жылы 1 қаңтардан бастап мұнай алу көлемі күніне 1,2 миллион баррелден қысқартылып, 32,5 миллионға дейін жеткізіледі.
ОПЕК-ке кірмейтін елдер арасында мұнай шығаруды қысқарту туралы міндеттемені өздеріне Ресей, Әзербайжан, Бахрейн, Бруней, Қазақстан, Малайзия, Мексика, Оман, Экваторлық Гвинея, Судан және Оңтүстік Судан алды. Бұл ретте келісім жасалған сәттен бастап мұнай құны 20%-ға дерлік өсті.
