Оқиға

Дауыл салдарынан 10 адам Алакөл жағалауындағы аралда қалып қойды

© Sputnik / Наталья Селиверстова / Медиабанкке өтуМоторный катер
Моторный катер  - Sputnik Қазақстан
Жазылу
Адамдар жағалауға қайта алмай, аралда түнеуге мәжбүр болды

НҰР-СҰЛТАН, 5 тамыз – Sputnik. 10 адамнан тұратын топ дауыл  салдарынан Алакөлдің маңындағы Аралтөбе аралында түнеп шықты.

Шығыс Қазақстан облысы ТЖ департаменті баспасөз қызметінің мәліметінше, кеше түнде он адамнан тұратын топ, оның ішінде балалар Алакөл жағалауынан 18 шақырым қашықтықта орналасқан Аралтөбе аралына серуендеу катерімен аттанған.

© Photo : пресс-служба ДЧС Восточно-Казахстанской областиАлакөлде демалушылар дауыл салдарынан аралда түнеді
Дауыл салдарынан 10 адам Алакөл жағалауындағы аралда қалып қойды - Sputnik Қазақстан
Алакөлде демалушылар дауыл салдарынан аралда түнеді

Біраз уақыттан кейін қатты жел көтеріледі. Адамдар үлкен толқындардан қорқып, кері қайтуға тәуекел жасамай, кешкі сағат 22 шамасында құтқарушыларға хабарласқан.

Тағы оқыңыз: Назарбаев неліктен шетелде демалғысы келмейтінін айтты

"Бұл кезде дауыл әлі басылған жоқ еді, көлге шығу қауіпті болды. Дегенмен жел тоқтағаннан кейін біз аталған бағыт бойынша жолға шықтық. Таңғы сағат беске қарай аралдағы адамдарды таптық. Оларға медициналық көмек қажет болмады", - деді облыс құтқарушыларының жедел құтқару жасағы алтыншы бөлімінің басшысы Нұржан Бажақов.  

Нәтижесінде құтқарушылар адамдарды екі қайықпен жағаға жеткізді.

Шомылу маусымы басталғалы бері Шығыс Қазақстан облысының су айдындарында 23 адам құтқарылды.

Жаңалықтар
0