АСТАНА, 2 қар — Sputnik. АСТАНА, 2 қар — Sputnik. Сәрсенбі күні Қырғызстан Жогорку Кенеш (парламент) үшінші оқылымда Конституцияны өзгерту бойынша референдум тағайындау туралы заң жобасын қабылдады, деп хабарлайды Sputnik Қырғызстан.
.
Құжатты 90 депутат қолдап, 15 депутат "қарсы" дауыс берді. Осылайша, Жогорку Кенеш Конституцияға өзгерістер енгізу жөніндегі референдумді осы жылғы 11 желтоқсанға тағайындауды мақұлдады. Заң жобасы Қырғызстан президентінің қарауына жіберілді.
Бұдан бұрын 2016 жылғы қазан айында Қырғызстан президенті Алмазбек Атамбаев "Қырғыз Республикасының референдумі туралы" Конституциялық заңға қол қойған.
