АСТАНА, 27 жел — Sputnik. Қазақстан мен Америка құрама штаттары арасында маңызды санаттар бойынша виза беру мерзімі екі есе ұзартылды деп хабарлады ҚР сыртқы істер министрі Ерлан Ыдырысов.
"Біз жапон азаматтарының Қазақстанға, қазақстандықтардың Жапонияға визасыз қатынауы туралы келісімге қол жеткіздік. Жыл соңында АҚШ-пен виза мерзімін он жылға ұзарту туралы келісім жасастық. Бұдан бұрын виза 5 жылға берілетін. Қазіргі уақытта америкалық және қазақстандық визалардың, ең маңызды санаттар бойынша, яғни туристік және дипломатиялық түрлері осындай ұзақ мерзімге беріледі. Әлбетте, бұл екі елдің азаматтары үшін өте қолайлы болмақ", — деп хабарлады Ыдырысов орталық коммуникациялар қызметінің брифингінде.
Оның сөзіне сүйенсек, қазіргі уақытта Қазақстанға 19 елдің азаматтары визасыз келе алады, ал 2017 жылы 1 қаңтардан бастап бұл көрсеткіш 45-ке жетеді. Бұл мемлекеттердің арасында ОЭСР мүше елдері, БАЭ, Малайзия, Сингапур және Монако княздығы бар. Бұл елдің азаматтары Қазақстанды 30 күн визасыз аралай алады.
