Өңірлер

Қазақстанда 2017 жылдың бірінші күні боран соғады деп күтіледі

© Sputnik / Анатолий УстиненкоҚар жамылған Алматы
Қар жамылған Алматы - Sputnik Қазақстан
Жазылу
2017 жылдың бірінші күні Қазақстанның басым бөлігінде қар жауады

АСТАНА, 1 қаң — Sputnik. 1 қаңтар күні Қазақстанның басым бөлігінде ауа райы құбылмалы болып, қар жауады, боран соғып, тұман түсіп, көктайғақ болады деп болжанады.

Республиканың оңтүстік және оңтүстік-шығысында ғана ауа райы жауын-шашынсыз. 

Аяз - Sputnik Қазақстан
Өңірлер
Қаңтар аязы: жаңа жылдың алғашқы айына арналған ауа райы болжамы

Ақмола, Павлодар облыстарында боран соғады деп күтіледі, кей жерлерде қатты соғуы ықтимал, желдің екпіні секундына 15-20 метр, ұйытқуы секундына 25 метр, кей жерлерде секундына 30 метрден асады.

Алматы облысында түнде тұман түседі деп күтіледі, желдің екпіні секундына 15-20 метр. Жамбыл облысында кей жерлерде тұман түседі, желдің екпіні – 15-20 м/с, түнде ұйытқуы – 23 м/с.

Оңтүстік Қазақстан, Қызылорда облыстарында кей жерлерде тұман түседі.

Атырау, Маңғыстау, Батыс Қазақстан облыстарында кей жерлерде тұман, көктайғақ болады.

Шығыс Қазақстан облысында кей жерлерде – боран, желдің екпіні 15-20 м/с, ұйытқуы 23-28 м/с.

Ақтөбе облысында кей жерлерде – тұман, төменнен соққан боран, желдің екпіні 15-20 м/с. Қостанай облысында кей жерлерде – боран, желдің екпіні 15-20 м/с, ұйытқуы 23 м/с.

Қарағанды облысында кей жерлерде – тұман, көктайғақ, боран, желдің екпіні 15-20 м/с, күндіз ұйытқуы 25 м/с. 

Солтүстік Қазақстан облысында желдің екпіні 15-20 м/с, ұйытқуы 25 м/с, кей жерлерде 30 м/с асады, кей жерлерде боран соғады. 

Жаңалықтар
0