АСТАНА, 23 қаң — Sputnik. Ақмола облысында тұрғылықты баспанасы жоқ әйел адам үсіп қаза тапты деп хабарлайды құқық қорғаушы органдар Sputnik Қазақстан агенттігіне.
Целиноград ауданының полициясына Жалғызқұдық ауылының тұрғыны хабарласқан. Ол таңертең өз ауласында қаза тапқан әйелдің денесін тауып алыпты.
Тексеру барысында әйелдің денесінен зорлық-зомбылық белгілері табылған жоқ. Бастапқы болжам бойынша, 46 жастағы әйел өлімінің себебі – ағзаның жалпылама суықтауы, сараптама тағайындалған.
