Қоғам

Прокуратура: Сейітқазы Матаев пен Юрий Пакке рақымшылық берілуі мүмкін

© SputnikСейітқазы Матаев
Сейітқазы Матаев - Sputnik Қазақстан
Жазылу
Юрий Пак пен Сейітқазы Матаев Қазақстан парламенті қабылдаған заң бойынша рақымшылық алуы мүмкін.

АСТАНА, 9 жел – Sputnik. Қазақстан тілшілер одағының басшысы Сейітқазы Матаев пен қарағандылық физика пәнінің мұғалімі Юрий Пакке рақымшылық берілуі мүмкін деп хабарлады бас прокуратура өкілдері тілшілерге.

Сейітқазы Матаев - Sputnik Қазақстан
Қоғам
Сейітқазы Матаевқа рақымшылық берілуі мүмкін, бірақ ол оған үміт артпайды

Жұма күні парламент Қазақстан тәуелсіздігінің 25 жылдығына орай рақымшылық жүргізу туралы заңды қабылдады. Прокуратура өкілдерінің айтуынша, заңнамаға сәйкес Юрий Пакті соттаған жалған терроризм туралы бап террорлық және экстремисттік қылмысқа жатпайды.

Прокуратура бұдан бұрын Сейітқазы Матаевтың жасы ескеріліп, рақымшылық берілуі мүмкін екендігін айтқан болатын. Себебі рақымшылық туралы заңға сәйкес, 60 жастағы және одан асқан, қылмыстың орташа түрін жасаған ер адамдар жазадан босатылады.

Жаңалықтар
0