Қоғам

Балаларға беруге болмайтын 9 зиянды тағам

© Sputnik / Константин Чалабов / Медиабанкке өтуБалабақшадағы түскі ас, архивтегі фото
Балабақшадағы түскі ас, архивтегі фото - Sputnik Қазақстан
Жазылу
Балалар ағзасына зиянды тағамдардың қатарында шырын, жүзім, йогурт, бал және тағы басқа азық-түлік түрлері бар

АСТАНА, 3 шілде – Sputnik. Балалардың дені ерте жастан құрамында қанты көп тағамдарды жей бастайды. Соның салдарынан олардың дәм сезу рецепторларының сезімталдығы төмендейді де, кәдімгі ыстық тағамға тәбеті болмайды. Оның үстіне балалар организмінің физиологиялық ерекшеліктеріне байланысты беруге болмайтын азық-түлік түрлері бар. 

AdMe.ru басылымы балаларды қалай дұрыс тамақтануға үйретуге болатынын және олар үшін қандай тағамдар зиянды екенін анықтады. 

Сәби - Sputnik Қазақстан
Әлем
Ғалымдар қандай тамақтың бала көтеруге кедергі болатынын анықтады

1. Шырын

Шырынды әр түрлі жастағы балалар жақсы көреді. Қаптамасы да ыңғайлы әрі көз тартады. Осымен шырындардың барлық артықшылығы аяқталады деуге болады. Бір стақан шырынның құрамында 5-6 шай қасық қант бар. Шырында еріген қант біртіндеп қанға сіңіп, көмірсу алмасуын бұзады. 

Американың педиатрия академиясы шырынның орнына жеміс-жидек жеуге кеңес береді. Немесе жаңа сығылған шырын, ал ең дұрысы, смузи ішкен дұрыс, дейді олар. 

2. Ұнтақ ботқасы (манная каша)

Ұнтақ ботқасының құрамында көмірсулардан басқа ештеңе жоқ. Ұнтақ ботқасын қайта жасаған кезде, құрамындағы дәрумендер мен баланың толыққанды дамуы мен өсуіне қажетті микроэлементтердің бәрі жойылады.  

Сондықтан оның орнына бүлдіршіндерге нәрлі заттарға бай қарақұмық, сұлы жармасы, арпа жармасы, тары ботқасын берген дұрыс. 

Астаналықтарды полиэтилен пакеттерінен бас тартуға шақырды>>

3. Йогурт

Балаңызға пайдалы йогурт таңдап алу үшін,  оның құрамын зерттеу керек. Ең алдымен, дүкендерде тоңазытқышта емес, ашық сөрелерде тұрған қауіпті йогурттардан аулақ болған абзал. Екіншіден, йогурттың тәттісін емес, табиғи майлы емес түрін таңдаған жөн. 

Құрамында неше түрлі қоспалары бар йогуртта қант пен май шамадан тыс көп болады. Бұл балалардың артық салмақ жинауына және диабеттің пайда болуына әкеп соғады. 

Азық-түлік - Sputnik Қазақстан
Қоғам
Қазақстанда зиянды тағамдардың жарнамасына шектеу қойылады

4. Құрғақ таңғы ас

Әдетте жарнамада түрлі қауыздар, мюсли, шариктер бала организміне қажетті дәрумендер мен минералдар көзі ретінде көрсетіледі. Шын мәнісінде, бұл тағамдарда пайдалы ештеңе жоқ, есесіне қант артығымен бар. Жүгері, сұлы, бидай дәндерінен құрғақ таңғы ас әзірлеген кезде, барлық қабықшасы алынып, тек жеңіл қорытылатын көмірсулар ғана қалады. 

Құрғақ таңғы асқа таптырмайтын балама – бұл ботқа. Жеміс-жидек пен жаңғақтарды араластырып, оларды баланың тәбетін ашатындай дәмді етіп әзірлеуге болады. 

5. Глазурьленген ірімшік

Бұл өнім құрамында қанттың тым көп болуымен ғана зиянды емес, түрлі ароматизаторлар мен дәмді күшейткіштерден ондағы ірімшіктің сапасын бағалау өте қиын. Ірімшікте балалармен қоса ересектер үшін де зиянды заттар мен консерванттар болуы мүмкін. Сондықтан глазурьленген ірімшіктің орнына табиғи, қоспасы жоқ ақ ірімшікті жеген дұрыс. 

Ғалымдар адам өмірін 10 жылға ұзартатын бес құпияны ашты>>

6. Бал

Сәбилерге 2 жасқа дейін бал беруге болмайды. Бұл тек аллергиямен ғана байланысты емес. Кей кездері балдың құрамында жас организм төтеп бере алмайтын бактериялар болады. 

7. Жүзім

Жүзімнің құрамында бүлдіршіндерге қажетті дәрумендер мен минералдар баршылық. Бірақ оны балаға беруге болмайды: жүзімнің жидегі өте ірі, бала қақалып қалуы мүмкін. Оның үстіне жүзім ас қорыту жүйесі үшін өте ауыр жеміс. 2 жасқа дейінгі сәбилер үшін жүзімге қарағанда банан пайдалырақ.

Бір стақан су - Sputnik Қазақстан
Қоғам
30 күн бойы сұйықтықтан су ғана ішсе не болады?

8. Балалар мультидәрумендері 

Балаларға дәрумен сатып аларда, педиатрмен ақылдасқан дұрыс. Бала дәруменді күнделікті жейтін тағамнан алуы тиіс. Дәрігердің нұсқауынсыз оларға қосымша дәрумен берудің қажеті жоқ. 

9. Сүт коктейлі 

Газдалған сусын мен сүт коктейлінің бірін таңдау керек болса, кез келген ата-ана екіншісін таңдайтыны рас. Алайда сүт коктейлінің зияны "газировкадан" еш кем түспейтінін ұмытпаған жөн: оның құрамында қант пен май көп. 

Соңғы зерттеулер мұндай майлы сусынды жиі ішу жүрек-қан тамырлары ауруына әкеп соғатынын көрсетті. Бұл өнім тек балалар үшін ғана емес, ересектер  үшін де зиянды екен.

Жаңалықтар
0