АСТАНА, 30 жел — Sputnik. Қытайдағы Сычуань провинциясында үлкен пандаларды қорғау және зерттеу орталықтарының бірінде бамбук аюы қызметкерге шабуыл жасады деп жазады РИА Новости China News Service агенттігіне сілтеме жасап.
Агенттіктің мәліметінше, 41 жастағы Вэй деген қызметкер Симэй лақап атты 16 жасар панда ұрғашысымен бір вольерде болады. Жануар кенеттен адамға тап беріп, тістелеп, сүйрелей жөнеледі. Ер адамды әріптестері құтқарып қалған.
Қазіргі уақытта ер адам ауруханада жатыр, жағдайы бір қалыпты. Панданың шабуылы нәтижесінде, ер адамның екі білегі сынып, аяғының сіңірі үзіліп кеткен, сонымен қатар денесінде көптеген жарақаттар бар.
"Панданың қарны аш болды ма, әлде жай ойнағысы келді ме – әлі күнге дейін білмеймін", — дейді Вэй. "Мен оны кешірдім. Осы саланың маманы болғандықтан, жануарлардың қолынан не келетінін білемін", — дейді зардап шегуші.
