Қуатты әскеріміз бейбітшілік пен берекелі өмірді қас қақпай күзетіп тұр – Тоқаев

© пресс-служба АкордыКасым-Жомарт Токаев принял участие в церемонии вручения государственных наград
Касым-Жомарт Токаев принял участие в церемонии вручения государственных наград - Sputnik Қазақстан, 1920, 06.05.2024
Жазылу
Бүгінде айбынды армиямыз – елдегі тұтастық пен тыныштықтың мықты қалқаны, деді президент
АСТАНА, 6 мамыр – Sputnik. Қуатты әскеріміз бейбітшілік пен берекелі өмірді қас қақпай күзетіп тұр. Бұл туралы мемлекет басшысы – Қазақстан Қарулы күштерінің жоғарғы бас қолбасшысы Қасым-Жомарт мемлекеттік наградалар, жоғары әскери және арнаулы атақтар, сыныптық шендер тапсыру рәсімінде айтты, деп хабарлады Ақорда.
Тоқаев жиынға қатысушыларды Отан қорғаушы күнімен және алда келе жатқан Жеңіс күні мерекесімен құттықтап, осы екі мейрам жауынгерлік дәстүрдің сабақтастығын паш ететінін, батыр бабаларымыздың даңқты жолын қазір өскелең ұрпақ жалғастырып келе жатқанын атап өтті.
"Бүгінде айбынды армиямыз – елдегі тұтастық пен тыныштықтың мықты қалқаны. Қуатты әскеріміз бейбітшілік пен берекелі өмірді қас қақпай күзетіп тұр. Олар қай кезде де қастерлі Отанымызды қорғауға дайын. Ерлік майданда ғана жасалмайды. Ерлікке бейбіт заманда да орын бар. Биыл біз соңғы 80 жылдағы ең жойқын тасқынға тап болдық. Елге қатер төнген сәтте сарбаздарымыз алдыңғы шептен табылды", – деді президент.
Тоқаев Ұлттық ұлан, Ішкі істер министрлігі, Ұлттық қауіпсіздік комитеті, Төтенше жағдайлар министрлігі және Мемлекеттік күзет қызметінің жеке құрамы антқа адал болудың үлгісін көрсеткенін атап өтті.
"Алапат тасқынға төтеп беру үшін 9 мыңнан астам әскери қызметші жұмыла еңбек етті. Мыңнан астам техника жеткізілді. Сын сағатта халқымыздың асыл құндылықтары анық байқалады. Осы орайда Солтүстік Қазақстан облысында апатқа қарсы күрескен 300 сарбаздың еңбегін ерекше атап өткім келеді. Олар күні-түні бөген салып, қаланы қарғын судан құтқаруға атсалысты", – деп толықтырды жоғарғы бас қолбасшы.
Оның айтуынша, жергілікті тұрғындар бұл сарбаздарға айрықша риза болып, оларды зор құрметпен шығарып салған.
"Міне, халық пен армияның мызғымас тұтастығы дегеніміз – осы. Мұндай мысалдар аз емес", – деп түйіндеді президент.
Жаңалықтар
0