АСТАНА, 27 жел — Sputnik. Ақмола облысында полиция сержанты тас жолда құқық бұзушыны қуамын деп қаза тапты деп хабарлайды ішкі істер департаментінің баспасөз қызметі.
Ведомствоның мәліметіне сүйенсек, оқиға 26 желтоқсан күні кешке Екатеринбург-Алматы тас жолының 1301-ші километрінде Аршалы ауданында болған.
"Полиция сержанты Айтамағанбетов Екатеринбург-Алматы жолындағы жол қозғалысы қауіпсіздігін қадағалауды қамтамасыз ету жөніндегі қызметтік міндеттілігін орындау кезінде, Жібек жолы ауылында жылдамдық режимін арттырған құқық бұзушының Hyundai Elantra көлігінің соңынан қуып, тойтарушы тірекке соғылған. Инспектор жол апаты нәтижесінде көз жұмды.
Полиция сержанты Айтмағанбетов Рүстем Серікұлы 1992 жылы 14 наурызда дүниеге келген, ішкі істер органдарына 2014 жылы қарашадан бастап қызмет еткен.
