АСТАНА, 7 нау – Sputnik. Бурабай шипажайындағы мейрамханада өткен аста адамдардың жаппай улану дерегі бойынша қылмыстық іс қозғалды, деп хабарлады Sputnik Қазақстанға Бурабай аудандық прокуратурада.
"Бурабай кентінде адамдардың жаппай улану дерегі бойынша 304-быптың 1-бөлімі "Санитариялық қағидаларды немесе гигиеналық нормативтерді абайсызда адамдардың жаппай сырқаттануына, ауру жұқтыруына, сәулеленуіне немесе улануына әкеп соққан бұзу " бойынша қылмыстық іс қозғалды", — деді агенттікке Бурабай аудандық прокуроры Дархан Аманбай.
Бурабай орталық аудандық ауруханасына 28 ақпанда науқастар келіп түсе бастады. Бүгінгі таңда 44 адам өздерін жайсыз сезінген. Олардың барлығы жылқы етін жеген.
