АСТАНА, 20 сәу — Sputnik. 20 сәуірден бастап жылумен қамтамасыз ету жүйесінен кезеңмен ажырату бойынша жұмыстар жүргізілетін болады, деп хабарлайды қала әкімдігінің баспасөз қызметі.
Астана қаласы мәслихатының шешіміне сәйкес, бес күнтізбелік күн ішінде тұрақты сыртқы ауаның орташа температурасы 10°С және одан жоғары болған кезде жылыту маусымын тоқтату туралы шешім қабылданады.
Бүгінгі таңда Астанада сыртқы ауаның орташа тәуліктік температурасы қалыптасты. Соған байланысты жылыту маусымы аяқталды.
