АСТАНА, 4 мамыр — Sputnik. Алматы-Көкпек-Көктал тас жолында жол жүру ережесін сақтамаған жүргізушісінің кесірінен ірі көлік апаты болды, деп хабарлады оқиға куәгерлері Sputnik Қазақстан агенттігіне.
Жол апатынан зардап шеккен қыз бен Mitsubishi Pajero жүргізушісінің сөзіне сүйенсек, Hyundai Accent, Mitsubishi Pajero және қара Toyota Highlander батыс бағытта келе жатады. Accent көлігі оң жақ қатарға ауысқысы келгенде, Highlander көлігі де артқы жарығын қоспай маневр жасай бастайды. Сөйтіп, бар жылдамдықпен Accent көлігіне соғылады. Жеңіл көлік айналып барып, Mitsubishi көлігін қағады да, ағашқа соғылып, жолдан шығып кетеді.
Жол апатынан екі адам зардап шекті: Hyundai Accent көлігінің жүргізушісі мен жолаушысы. Жүргізуші көптеген жарақатпен ауруханаға жатқызылды, ал жолаушы қыз қабырғасы ауырсынып тұрғанына қарамастан, ауруханаға жатудан бас тартты. Toyota Highlander көлігі оқиға орнынан қашып кеткен. Полиция болған оқиғаның мән-жайын анықтауда.
