АСТАНА, 7 мамыр — Sputnik. Қазақстанның басым бөлігінде атмосфералық фронттардың өтуіне байланысты құбылмалы ауа райы сақталады, деп хабарлады "Қазгидромет" баспасөз қызметі.
Солтүстік Қазақстан, Ақмола, Қостанай облыстарында желдің екпіні — 15-20, ұйытқуы — 23-28 м/с, Солтүстік Қазақстан, Қостанай облыстарында күндіз күн күркірейді.
Қарағанды, Шығыс Қазақстан, Жамбыл, Оңтүстік Қазақстан облыстарында кей жерлерде желдің екпіні — 15-20 м/с, күн күркірейді.
Алматы облысында кей жерлерде күн күркіреп, бұршақ жаууы ықтимал, желдің екпіні — 17-22 м/с. Павлодар облысында, күндіз Батыс Қазақстан, Ақтөбе облыстарында кей жерлерде желдің екпіні — 15-20 м/с.
Ақмола облысында түнде кей жерлерде қатқақ болады деп күтіледі, оңтүстік-батыстан соққан желдің екпіні — 15-20, ұйытқуы — 23-28 м/с. Осыған байланысты дабылды ескерту жарияланған.
Астанада күндіз оңтүстік-батыстан соққан желдің екпіні — 15-20 м/с. Түнде қатқақ болады.
Бұдан бөлек, жақын күндері 7 мамырда қатты жаңбыр жаууы салдарынан Оңтүстік Қазақстан, Алматы, Жамбыл облыстарындағы өзендерде су тасуы мүмкін.
