АСТАНА, 11 мамыр — Sputnik. Еуразиялық экономикалық комиссия (ЕЭК) Еуразиялық экономикалық одаққа (ЕАЭО) мүше елдерге ЕАЭО туралы Келісімнің Одақ елдерінен келген спортшы-легионерлерге қатысты бекітілген шектеулерді алып тастау жөніндегі бөлігін жүзеге асыру қажеттігін ескертеді.
"ЕАЭО туралы Келісімге отырған мемлекеттер ұлттық еңбек нарығын қорғау мақсатында ЕАЭО елдері азаматтарының қызметіне қатысты заңнама жүзінде бекітілген шектеулерді енгізбеуге және қолданбауға міндеттеледі", — деп атап өтті ЕЭК ішкі нарық, ақпараттандыру, ақпараттық-коммуникациялық технологиялар жөніндегі министрі Карине Минасян. — ЕЭК коллегиясы біздің елдердің спортшылары үшін кедергілерді алып тастау туралы шешім қабылдады. "Еуразиялық интеграция Одақ азаматтарына не береді?" деген сұраққа "еңбек нарығында кедергілерді жояды" деп жауап берсек болады".
