АСТАНА, 3 шілде — Sputnik.Қостанай облысы табиғи ресурстар мен табиғатты пайдалану басқармасының басшысы Әмірхан Мауқұлов сот шешімімен қамауға алынды.
Мауқұловқа бірнеше мәрте ірі көлемде пара алды деген айып тағылған. Жемқорлыққа қарсы іс-қимыл ұлттық бюросының Қостанай облысындағы департаменті тергеушілерінің айтуынша, басқарма басшысы қоластындағы орман шаруашылығы директорларынан ай сайын пара алып отырған.
Сот қаулысы бойынша Мауқұлов екі айға қамауға алынды.
Sputnik Қазақстан агенттігі тілшісі бұдан бұрын хабарлағандай, Қостанай облысы табиғи ресурстар мен табиғатты пайдалану басқарамасының басшысы 30 маусым күні пара алу үстінде ұсталған.
