АСТАНА, 4 шілде — Sputnik. Ақмола облысында қайғылы оқиға орын алды – 6 сынып оқушысы өзен бойымен келе жатып, жардан құлап, суға кетті, деп хабарлайды ішкі істер департаменті Sputnik Қазақстан агенттігіне.
Қайғылы оқиға Шортанды ауданы Октябрьское ауылында 3 шілде күні болған.
"Елді мекенде тұратын 12 жасар бала ағасымен бірге балық аулауға барады. Жасөспірім жар шетінде ойнап жүріп, аяғы тайып, өзенге құлап, батып кеткен", — деп ақпарат берді ІІД.
Оқушының денесін жергілікті тұрғындар алып шығып, мәйітханаға жөнелтті. Сараптама тағайындалған.
