АСТАНА, 17 шілде — Sputnik. Қазақстанның басым бөлігінде атмосфералық фронттардың өтуіне байланысты құбылмалы ауа райы сақталады, деп хабарлады Қазгидромет баспасөз қызметі.
Ақмола, Солтүстік Қазақстан облыстарында кей жерлерде күн күркірейді, бұршақ түседі, желдің екпіні – 15-20 м/с, түнде кей жерлерде тұман.
Павлодар, Қарағанды, Алматы облыстарында кей жерлерде күн күркірейді, бұршақ жауады, Павлодар, Қарағанды облыстарында – желдің екпіні – 15-20 м/с.
Шығыс Қазақстан, Қостанай облыстарында кей жерлерде күн күркірейді, желдің екпіні – 15-20 м/с, күндіз бұршақ түсуі мүмкін.
Күндіз Ақтөбе облысында кей жерлерде күн күркірейді, желдің екпіні – 18 м/с.
Күндіз Атырау, Батыс Қазақстан облыстарында аптап ыстық.
Оңтүстік Қазақстан, Қызылорда облыстарының басым бөлігінде, Батыс Қазақстан, Атырау, Ақтөбе, Қостанай, Қарағанды, Жамбыл, Алматы облыстарында кей жерлерде төтенше өрт қаупі сақталады.