АСТАНА, 8 тамыз — Sputnik. Қазақстандық жеңіл атлет Ольга Рыпакова дүйсенбі күні кешке (Астана уақытымен дүйсенбі түнде) өз мансабында екінші мәрте үш мәрте секіруден әлем чемпионатының қола жүлдегері болды.
Рыпакова демалыста өткен квалификацияда медальдарға негізгі үміткерлер арасында алғашқы әрекеттен 14 метр 57 сантиметрге секіріп үздік көрсеткіш жасады. Ол кезде венесуэлалық Юлимар Рохас екінші әрекетте 14 метр 52 сантиметрге секіріп, қазақстандыққа тек жақындады. Ал колумбиялық Катрин Ибрагуэн финалға ілігетін 14 метр 21 сантиметр көрсеткішті қанағат тұтты.
Екінші рет секіргенде Рохас 14,83 метр нәтижемен көш бастады. Үшінші мүмкіндігінде Рыпакова 14,77 метр нәтижемен екінші орынға көтерілді. Дегенмен Рио Олимпиадасының чемпионы Ибаргуэн 14,89 метр нәтижемен көш басына шықты. Бесінші мүмкіндігінде Рохас 14,91 нәтижемен қайтадан алға кетті. Бұдан кейін үздік көрсеткішке ешкім қол жеткізе алған жоқ. Осылайша, венесуэлалық жеңіл атлет Рохас алғаш рет әлем чемпионы атанды. Ибаргуэн күміс, Рыпакова қола жүлдеге қол жеткізді.
