АСТАНА, 16 тамыз – Sputnik. Алматыда жол жүру ережелерін сақтамау салдарынан орын алған жол апатынан үш адам зардап шекті, деп хабарлады Sputnik Қазақстанға құқық қорғау органдарында.
Жол апаты Марков (басты) және Попов (қосалқы) көшелерінің қиылысында орын алды. Nissan Qashqai автокөлігі Марков көшесінің бойында солтүстік бағытта, ал Toyota Camry Попов көшесінің бойында батысқа қарай жүріп бара жатқан. Қозғалыс басымдылығын сақтамаған Toyota көше қиылысына атып шықты. Nissan жүргізушісі әрекет етіп үлгере алмай Camry-дің жанынан соқты.
Екі көлік те шетке қарай ұшып кетіп, Qashqai аударылып қалды. Жол апатынан Nissan көлігінде болған үш қыз зардап шекті. Жарақаттармен олар ауруханаға жеткізілді.
Барлық мән-жайды полиция анықтайтын болады.
