АСТАНА, 9 қыркүйек — Sputnik. Павлодар қаласы №2 сотының судьясы Әсет Сүлейменов екі қызды қаққан трамвай жүргізушісі 1987 жылы туған Наталья Пекничқа қатысты бұлтартпау шарасы ретінде қамауға алуды қолдануға шешім шығарды. Ол екі ай уақытша ұстау изоляторында отырады.
Пекничтің адвокаты соттан бұлтартпау шарасы ретінде үй қамақты ұсынған болатын, өйткені күдіктінің тұрақты мекенжайы бар, тұрмыста, күйеуімен бірге алты жасар қыз тәрбиедеп отыр, бұрын сотталмаған, сол себепті тергеуден қашпайды. Бірақ судья бұл өтінішті қабылдамады.
Күдікті әйел сот отырысы кезінде үнемі жылап отырды. Судья сөз берген кезде, жылап отырып бір ғана сөз айтты: "Шыныменде оны көрмей қалдым!". Яғни, трамвайдың астына түкен екі қыздың бірі қаза тапқан болатын.
Наталья Пекнич соттың бұл шешіміне қарсы шағым түсіріп немесе прокуорға өтініш беретіні әлі белгісіз. Себебі адвокат тілшілердің ешқандай сұрағына жауап бермеді.
Жол апаты Павлодарда бейсенбі 7 қыркүйек күні сағат 7.43-те Ломов жжәне Катаев көшелерінің қиылысында болған. Он және сегіз жасар екі қыз абайсызда трамвай астына түскен. Үлкені қаза тауып, кішісі ауыр хәлде ауруханаға жатқызылды.