АСТАНА, 18 қыркүйек — Sputnik. Елордалық "Драфт" дәмханасында өрт салдарынан қырық адам қауіпсіз жерге шығарылды, зардап шеккендер жоқ, деп хабарлады ҚР ІІМ Төтенше жағдайлар жөніндегі комитеттің ресми өкілі Руслан Иманқұлов.
14 Қыркүйек 2017, 11:36
"17 қыркүйек 2017 жылы сағат 22.49 кезінде Астана қаласы, Сарыарқа ауданында, Бейбітшілік көшесі бойындағы "Драфт" дәмханасының ас бөлмесінде сорғыштан өрт шығып, ғимараттың шатырын жалын шарпыған", — деп хабарлады Иманкулов.
Өрт 01.43-де ауыздықталып, 02.43 кезінде толығымен сөндірілді. Өрттің аумағы 1100 шаршы метрді құраған. Зардап шеккендер мен құрбандар жоқ. Өрт салдарынан дәмханаға келген қырық адам қауіпсіз жерге шығарылды.
