Алматыда жиһаз цехі мен көлік өртеніп кетті

АСТАНА, 28 қыркүйек — Sputnik. Алматыда сәрсенбі күні кешке жиһаз жасайтын цехте өрт шықты, деп хабарлады қаланың төтенше жағдайлар жөніндегі департаменті қызметі.

Наурызбай ауданы "Заря" бақша қауымдастығындағы өрт туралы хабар 101 нөміріне сәрсенбі күні сағат 22.35 кезінде түскен.

Өрт сөндірушілер үш минутта жетіп, ағаш бұйымдар жасайтын цех пен Kia Sorentо көлігінің өртеніп жатқанын көреді. Өрт жақын орналасқан үйлерді шарпып кету қаупі туындағанымен, өрт сөндірушілер жалынды уақытылы тоқтата білді.

Өрт салдарынан 52 жастағы ер адам күйіп қалды, бірақ ауруханаға жатудан бас тартты. 

Өрт ауданы – 250 шаршы метр.