АСТАНА, 9 қазан — Sputnik. Райымбек даңғылы мен Жангелдин көшесі қиылысында жол апаты болды.
Sputnik Қазақстан агенттігіне оқиға куәгерлері хабарлағандай, Toyota HiAce микроавтобусы Райымбек даңғылы бойымен шығыс бағытта келе жатқан, ал Mercedes осы даңғыл бойымен батыс бағытта келе жатып, Жангелдин көшесіне солға бұрылмақ болады.
Көлік жылдамдықты асырып келе жатқан, солға бұрыла бергенде, микроавтобусқа жол бермей, екеуі бар жылдамдықпен бетпе-бет соқтығысады. Соққыдан Toyota HiAce он метрге сырғып кеткен, ол қарсы беттік қозғалыс жолағына шығып кетіпті.
Жол апатынан екі адам зардап шекті – Mercedes жүргізушісі мен микроавтобус жолаушысы. Жолаушы әйел жәрдем көрсетілген соң, ауруханаға жатудан бас тартты.
Жеңіл көлік жүргізушісі бастапқыда апат орнынан қашып кетіп, кейін қайта оралған, ішімдік иісі шығып тұрыпты.
Алматы полициясы оқиғаның мән-жайын анықтайды.
