АСТАНА, 28 қараша — Sputnik. Ауыл шаруашылығы министрлігі Желіде жарияланған, су қоймасында заңсыз балық алу сәті түсірілген видеоны тексеріп жатыр.
Интернетте таралған видеода ер-азаматтар тобы жануарларды ұстағалы жатыр. Автордың айтуынша, олар балықтарды қырып-жоймақшы, құқық қорғау органдары өкілдерінің ескертуіне құлақ аспайды.
"Қадірлі достар! Орман шаруашылығы және жануарлар әлемі комитеті осы видеоға түсірілген оқиғаның мән-жайын анықтап жатыр. Осындай жайтқа куә болсаңыздар, жергілікті өзін-өзі басқару органдарына немесе министрлікке хабар беруді сұраймыз. Бәріміз бірге табиғатты қорғап, аялайық", — деп пікір білдірді комитеттің баспасөз хатшысы Сәкен Ділдахмет.
Видео авторының сөзіне сүйенсек, оқиға Алматы облысы Бұрындай ауылында болыпты.
