АСТАНА, 7 қаңтар — Sputnik. Алматыда металл бұйымдар мен төбе жабындысын өндіретін цех өртенді, деп хабарлады қалалық ТЖД ресми өкілі Сандуғаш Баймұхамбетова.
ТЖД мәліметінше, өрт сенбіден жексенбіге қараған түні шыққан.
"Сағат 02:03-те Алматы ТЖД "101" пультіне Жетісу ауданы, Бродский көшесі, 37 мекенжайындағы ғимараттан өрт шыққаны туралы хабарлама түсті. Алғашқы өрт сөндіру көлігі оқиға орнына 7 минуттан кейін, сағат 02:10-да жетті", — деп жазылған хабарламада.
Алматыда металл бұйымдар мен төбе жабындысын өндіретін цех өртенді
© Photo : Куәгерлердің фотосы
Белгілі болғандай, металл бұйымдар мен төбе жабындысын шығаратын цех өртенген.
Өрт сөндірушілер қызыл жалынды бір сағат ішінде, сағат 03:10-да сөндірді.
Жалын 750 шаршы метр ғимараттың 290 шаршы метріне шарпыған.
Қаза болғандар мен зардап шеккендер жоқ.
