АСТАНА, 9 сәуір – Sputnik. Бірінші орта салмақтағы WBA Super, WBC, WBO және IBF тұжырымдары бойынша әлем чемпионы Теренс Кроуфорд (32-0, 23 КО) қазақстандық Геннадий Головкиннің (37-0-1, 33 КО) Деметриус Андрадемен (25-0, 16 КО) жұдырықтасудан бас тартуына қатысты пікір білдірді, деп хабарлайды Sports.kz.
Головкиннің командасы 5 мамырда Лас-Вегаста өтетін жекпе-жекке Андраденің кандидатурасын қарастырмауға шешім қабылдаған екен. Деметриус твиттердегі парақшасында бұған өкініш білдіріпті. Отандасына Кроуфорд жауап қатты.
"Олар сенен қашып жүр, сен оны білесің", — деп жазды Кроуфорд.
Головкиннің промоутері таяуда берген сұхбатында бес үміткерді қарастырып жатқанын мәлімдеді, алайда олардың арасында Андраде жоқ.
Бұған дейін GGG-дің командасы бұл жекпе-жекте Андрадеге мүдделі емес екенін боксшының өзіне де хабарласып, ескерткен көрінеді.
