АСТАНА, 22 мамыр – Sputnik. Мемлекет басшысының жарлығымен Айгүл Құспан Қазақстан Республикасының Бельгия Корольдігіндегі төтенше және өкілетті елшісі қызметіне тағайындалды, деп хабарлады Ақорданың баспасөз қызметі.
Бұл қызметті бұған дейін атқарған Алмас Хамзаев Қазақстан Республикасының Бельгия Корольдігіндегі төтенше және өкілетті елшісі қызметінен, Қазақстан Республикасының Люксембург Ұлы Герцогтігіндегі төтенше және өкілетті елшісі, Еуропа Одағының жанындағы және Солтүстік Атлант Шарты ұйымындағы (НАТО) Қазақстан Республикасы өкілдігінің басшысы қызметін қоса атқарудан босатылды.
Айгүл Құспанның бай дипломатиялық тәжірибесі бар, Қазақстанның Франция, Австрия және Литвадағы елшіліктерінде жұмыс істеді, республиканың сыртқы істер министрлігіндегі Еуропа департаментін басқарды.