https://sputnik.kz/20221103/oqushylar-qanday-zhagdayda-tumauga-baylanysty-qashyqtan-oqidy-29020803.html

Оқушылар қандай жағдайда тұмауға байланысты қашықтан оқиды

Оқушылар қандай жағдайда тұмауға байланысты қашықтан оқиды

Sputnik Қазақстан

АСТАНА, 3 қараша – Sputnik. Денсаулық сақтау министрлігінің санитариялық-эпидемиологиялық бақылау комитеті тұмауға байланысты мектеп оқушыларын онлайн форматқа... 03.11.2022, Sputnik Қазақстан

2022-11-03T15:24+0500

2022-11-03T15:24+0500

2022-11-03T15:24+0500

тұмау

https://sputnik.kz/img/07e4/09/07/14898699_0:0:2000:1125_1920x0_80_0_0_43a7e9e7dca8a2af5e907fc854501dbb.jpg

АСТАНА, 3 қараша – Sputnik. Денсаулық сақтау министрлігінің санитариялық-эпидемиологиялық бақылау комитеті тұмауға байланысты мектеп оқушыларын онлайн форматқа ауыстыру тәртібін түсіндірді, деп хабарлайды Sputnik Қазақстан тілшісі.Жұқпалы ауруларды эпидемиологиялық қадағалау басқармасының басшысы Роза Қожапованың айтуынша, бір сыныпта оқушылардың 30 проценті және одан көп бала респираторлық вирустық инфекциямен немесе тұмаумен ауырып қалса, барлығын онлайн форматқа ауыстыруға болады."Бас мемлекеттік санитарлық дәрігердің талаптарына сәйкес, бір инкубациялық кезеңде сыныпта балалардың 20-30 проценті жіті респираторлық вирустық инфекциямен ауырып қалса, кабинеттік білім беруден бас тартуға кеңес беріледі", - деді Қожапова орталық коммуникациялар қызметінде өткен брифингте.Оның айтуынша, сыныпқа жаңа оқушыларды қабылдамаған дұрыс. Ал тұмауды жұқтыру көрсеткіші 30 проценттен асып кетсе, балалар онлайн оқыту форматына ауыстырылады.Ресми мәліметке сәйкес, Қазақстанда 764 247 адам вирустық инфекция жұқтырған. Олардың арасында тұмау жұқтырғандар да аз емес.

2022

Жаңалықтар

kk_KK

тұмау