11:21 23 Қазан 2019
Тікелей эфир
  • USD389.75
  • EUR434.26
  • RUB6.12
Қыз

Қытайда тағы бір қазақстандық студент қыз ұсталды

© Sputnik / Anar Mustafayev
Азияда
Қысқа сілтеме алу
3259 0 0

Қазақстандық студентке есірткі таратты деген айып тағылған

АСТАНА, 8 наурыз — Sputnik. Ақтау тұрғыны Юлия Ходева 28 ақпанда Қытайдың Хуанчжоу қаласында есірткі таратты деген күдікпен ұсталған. Бұл туралы mgorod.kz порталы жазды.

Юлияның анасы Оксана Ходева басылымға берген сұхбатында айтқандай, қызы Хуанчжоудың технологиялық университетінде алты жыл оқыпты. Екі айдан соң диплом алуы керек болатын.

Оксана Ходеваның қызынан бөлек, Қытайда егіз сіңлілері білім алып жүр екен. Солардың тұратын жерінде 28 ақпанда Юлияны қаланың құқық қорғау органдары ұстап әкетеді.

Қызының есірткі таратты деген күдікке ілінгенін Қазақстанның Қытайдағы елшілігі өкілінен біліпті.

"Ешқандай қағаз, дәлел көрсеткен жоқ, адвокатқа ақша дайындаңдар деді. 500 мыңнан миллион теңгеге дейін. Сіңлілерім полицей бөліміндегі қызыма жылы киімдер мен ақша беріп жіберді. Қазір сол жаққа бару үшін құжаттарымды дайындап жатырмын. Күйеуім Ақтауда қалады. Қызымды есірткі сатты дегенге сенбеймін, диплом алуына бір-екі ай қалған еді. Құрбымның айтуынша, Қытайда студенттерді жиі ұстап, есірткі таратты деп айыптап, айыппұл салып, елден депортациялайтын көрінеді. Бәлкім, біреу әдейі ұйымдастырған шығар", - деп Оксана Ходева қызының ұсталуына қатысты мән-жаймен бөлісті.

Ұсталған қыздың анасы хабарлағандай, елшілік студенттің босатылуына ешқандай жәрдем көрсетіп жатқан жоқ. Юлияның ата-анасы Бас прокуратураға, сыртқы істер министрлігі мен Қазақстанның президентіне өтініш жазғалы отыр.

Тақырып бойынша

Қытайда көз жұмған қазақ қызына қатысты тың деректер шықты
Қытайда полиция "ең әдемі" қылмыскер қызды ұстады
Қытайда лагерьден босаған қазақтарды үйқамаққа алып жатыр - СІМ не дейді?
"Мұсылмандардың құлағын шулатты" Министр Қытайда ұсталған қазақтар туралы айтты
Кілт сөздер:
қазақстандық қыз, Қытай
Загрузка...

Басты тақырып