АСТАНА, 16 ақп – Sputnik. Қытайлық ТВ-конкурсқа қатысып жатқан танымал қазақстандық орындаушы Димаш Құдайбергенов келесі кезеңде Uptown Funk әнін орындайды.
"Осы аптада Bruno Mars репертуарынан "Uptown Funk" әнін орындау тапсырылды. Бұл ән менің жан дүниеме бөтен — бірақ тапсырманы 100% орындауға тырысамын! Сіздер үйренген Димашты осы апта көрмейсіздер! Алдын ала кешірім сұраймын! Бірақ, көңілді болатынына сенімдімін!", — деп жазды Құдайбергенов өзінің Instagram желісіндегі парақшасында.
Ол өз табынушыларын сенбі күні Астана уақытымен 20:05-те Hunan Tv арнасынан #IAmSinger жобасын өткізіп алмауға шақырды.
