АСТАНА, 24 наурыз — Sputnik. ҚХР Қазақстандағы төтенше және өкілетті елшісі Чжан Ханьхуэйдің пікірінше, Димаш Құдайбергенов қытайлардың Қазақстанға деген көзқарасын өзгертті.
"Қытайлардың Қазақстанға деген қызығушылығын арттырғандығы рас. Димаш – Қазақстанның бейнесі, сол себепті қытайлық туристтер мен инвесторларды елге тартатын болады. Бұл сіздер үшін қуаныш. Құттықтаймын!", — деді Чжан Ханьхуэй.
Елшінің айтуынша, әнші "Қытайда жарық жұлдызға" айналды, қытайлар, әсіресе, жастар жағы оны қатты жақсы көреді. Сол себепті қазіргі уақытта қазақ мәдениеті мен музыкасын Қытайда үлкен ықыласпен қарсы алады. Димаштың танымалдығының арқасында осы елде жетістікке жетуге болады.
25 наурызда Хунан ТВ эфиріне I'm a singer байқауының оныншы кезеңі шығады.
