АСТАНА, 6 қаңтар — Sputnik. Қазақстандық белгілі әнші Димаш Құдайберген Қытайдағы әншілер сайысының байқауына әділқазы алқасының мүшесі ретінде шақырылды. Бұл туралы әншінің өзі Instagram парақшасында жазды.
Әлеуметтік желі қолданушылары өз кезектерінде отандастарының жетістігі үшін қуанышты екендерін жеткізді. Арасында мұның Димаш үшін үйреншікті жағдай екенін, осы уақытқа дейін халықаралық деңгейдегі байқауларға өнерді бағалаушы ретінде қатысқанын айтқандар да болды.
"Құттықтаймын, Димаш! Алғаш рет байқауда қазы болып отырған жоқсың, тәжірибең бар. Саған сәттілік!", "Димашжан, құтты болсын! Абыройың асқақтай берсін! Жаратқан Алла өзіңе жар болсын. Алланың нұры жаусын!", "Бақытты бол! Сен бұған лайықсың" деп жазды желі қолданушылары.
Тағы оқыңыз: Димаштың шетелдік тыңдармандары қазақстандықтарға өтініш айтты
Hunan TV арнасы Қытайдың көп бөлігінде, Макао, Гонконг және Тайваньда көрсетіледі. Телеарна "Бақытты лагерь", "Әке, біз қайда барамыз?", I аm a Singer және Day Day Up сынды шоу бағдарламаларымен танымал. Олардың біріне Димаш Құдайберген қатысып, екінші орынды иеленген еді.
