АСТАНА, 13 қаңтар – Sputnik. Танымал қазақстандық әнші Димаш Құдайберген Қытайдың Сиань қаласында One Way Trail халықаралық сән апталығының ашылуында ән айтты, деп хабарлайды Sputnik Қазақстан.
Желіде Димаш Құдайбергеннің халықаралық сән апталығының ашылуында ән айтып жатқаны түсірілген видео жарияланды.
Қазақстандық әнші Screaming және The Crown әндерін орындады.
Сондай-ақ, Димаш инстаграм парақшасында қызыл кілеммен жүріп бара жатқан сәтінен видео жариялады. Әншінің "фанаттары" Димашқа гүл мен түрлі сыйлық сыйлап, ыстық ықыласпен қарсы алды.
