Астанада "Қазақ аруы" таңдалады – үміткерлердің фотосы мен видеосы  

АСТАНА, 15 наурыз — Sputnik. Продюсер Баян Алагөзова "Қазақ аруы" сұлулық байқауында бақ сынайтын арулардың фотосуреттері мен видеосын жариялады.   

Ұлттық жобаның финалы 19 наурыз күні Астанадағы Бейбітшілік және келісім сарайында өтеді. Ережеге сәйкес, қатысушылар қазақ тілін жетік білуі, қазақ халқының әдебиеті мен тарихынан, дәстүрінен хабары болуы тиіс.

"Қыздардың зияткерлік қабілетінен бөлек, дене бітіміне де мән беріледі, қатысушылардың шашы ұзын, бойы 170 сантиметрден кем болмауы керек", - деп хабарлады ұйымдастыру комиеті.

Мегаполистердің арулары

Конкурста Қазақстанның елордасынан Анна Вайдурова қатысады, ол би мектебінің директоры болып жұмыс істейді. Орыс қызы қазақшаға судай.

Тағы бір астаналық қатысушы  Зарина Балмағамбетованың ұстанымы – қолыңнан келгенше адамдарға көмектес. Ол игі істер жасаудан күш алатынын атап өтті.

Алматылық Айсана Нұрғай өз білімі мен талантын паш етуге дайындалып жатыр. Ол өзінің ұзын шашымен желі қолданушыларын таңғалдырып үлгерді.

Оңтүстік Қазақстанның арулары  

Жамбыл облысының атынан тараздық Айдана Бейшен қатысады.

Қызылорда облысынан сахнаға Шапағат Еркеш шығады.

Түркістан облысының өкілі Қымбат Көпжасарова да сайысқа қызу дайындық жасап жатыр.

Алматы облысының тұрғындары Ұлжан Әмірбекке жанкүйер болады.

Батыс Қазақстанның арулары 

Маңғыстау облысынан Ақбота Мұрат өнер көрсетеді. 

Ақтөбе облысының атынан конкурсқа Таңшолпан Нұртілеуқызы қатысады.

Оған ақтөбелік Алтын Жұмағалиева қарсылас болады.

Батыс Қазақстан облысының намысын Шынар Қалдыбай қорғайды.

Атырау облысы Шырайлы Құспановаға үміт артып отыр.

Солтүстік Қазақстанның арулары 

Павлодар облысынан Сая Тұрсынбекова келеді.

Тәж Павлодар облысының аруы Сәния Темірханова бұйыруы мүмкін.

Ақмола облысынан қатысатын Арайлым Құсайынова да тәжден дәмелі.

Орталық және Шығыс Қазақстанның арулары

Қарағанды облысының тұрғындары Айкүміс Қанатқа қолдау білдіреді.

Қарағанды қаласынан Айханым Орынбекова өнер көрсетпек. 

Шығыс Қазақстан облысы Гүлнәз Нұрлыбековаға үміт артты.

"Қазақ аруы" – қазақстандық белгілі продюсер Баян Алагөзова өткізетін сұлулық байқауы. Оған еліміздің барлық өңірінен 16-20 жас аралығындағы қыздар қатысады.

Қазылар алқасында танымал тұлғалар, оның ішінде тележүргізуші Айгүл Мүкей, Динара Сәтжан, әнші Қарақат Әбілдина, актер Ерік Жолжақсынов және тағы басқалар бар. Қазылар алқасының төрағасы – парламент сенатының депутаты Бірғаным Әйтімова.

 2019 жылы конкурс тоғызыншы рет өткізіледі.