08:29 23 Тамыз 2019
Тікелей эфир
  • USD386.04
  • EUR427.77
  • RUB5.88
Певец Димаш Кудайбергенов

"Қазақ екенімді мақтан тұтамын": Димаштың Мәскеудегі екінші концерті де дүркіреп өтті

© Sputnik / Григорий Сысоев
Мәдениет
Қысқа сілтеме алу
Димаштың жұлдызды жолы (120)
663410

Қазақстандық әнші Димаш Құдайберген Мәскеуде 22, 23 наурызда Кремль сахнасында екі концерт берді

МӘСКЕУ, 24 наурыз — Sputnik. Димаш Құдайбергеннің Кремль сахнасындағы екінші жеке концерті де аншлагпен өтті, деп хабарлайды Sputnik Қазақстан.

Димаш Құдайбергеннің концертіне жиналып жатқан халық
© Sputnik / Айымгүл Әбіл
Димаш Құдайбергеннің концертіне жиналып жатқан халық

Димаштың Мәскеудегі бірінші концерті қалай дүркіреп өтсе, екіншісі де жоғары деңгейде болды. Ресейдің бас сахнасы – Кремльдің алты мың орындық үлкен залы көрермендерге лық толды. Димаштың 56 елден келген фанаттарынан бөлек, Ресейдің түкпір-түкпірінен өнерсүйер қауым көптің аузында жүрген қазақ әншісін тыңдауға келген.

Димаш Құдайбергеннің концертіне жиналып жатқан халық
© Sputnik / Айымгүл Әбіл
Димаш Құдайбергеннің концертіне жиналып жатқан халық

Концерт үзіліссіз екі жарым сағатқа созылды.  Димаш кеш барысында қазақ, орыс, ағылшын, қытай, француз тілдерінде ән шырқады. Тіпті "Screaming" әнімен концертті бастаған кезде қазақша рэп орындап, жұртты таңғалдырды. "Нағыз қазақ қазақ емес, нағыз қазақ - домбыра" деген сөзді жиі айтып жүретін әнші домбыраны күмбірлетіп, көрерменнің ерекше ықыласына бөленгені тағы рас.  

Посмотреть эту публикацию в Instagram

Публикация от Aiym Astana (@aiym_abil)

Концертте көпшіліктің сүйікті әндерімен қатар, жаңа туындылар шырқалды. Жиналған қауым әрбір әннен кейін Димашқа қол шапалақтап, қошемет көрсетуге тырысып бақты. Әсіресе, "S.O.S", "Дайдидау", "Грешная страсть" әндері жұртшылықты ерекше тәнті етті. Димаш та кеш бойы тыңдармандарына рақмет айтудан бір шаршаған жоқ. Жиналғандармен әңгіме барысында ата-анасына, ұстаздарына және қазақ халқына шексіз алғысын білдірді.

"Мен өзімнің қазақ екенімді мақтан тұтамын!", - деді Димаш үлкен сахнадан.

Сондай-ақ әнші бауырлас орыс халқына ілтипатын жеткізе отырып, "екі халықтың достығы мәңгіге жалғасады деген үміттемін" деді.

Көрермендер Димаш пен танымал композитор Игорь Крутой екеуінің өнерін асыға күтті. Бекер емес, олар ұсынған жаңа әндер жүрекке жеткені анық. Ал "Любовь уставших лебедей" әнін бүкіл залдың қосыла шырқағаны айрықша әсерлі болды.

Посмотреть эту публикацию в Instagram

Публикация от Irina Kim. South Korea. (@irinakim1973)

"Димаштың Кремль сарайында өнер көрсетуі шын мәнінде үлкен оқиға. Алда көп концерт, бағдарлама бар, бірақ бұл концерт оның өмірінде, көрермендердің өмірінде бірінші болып қалады. Өте талантты әнші Димашқа ән жазу мен үшін үлкен құрмет. Оның жаңа бағдарламаларын, жаңа әндерін бүкіл әлем күтетініне мен сенімдімін", - деді Игорь Крутой.

Концерт соңында Димаш сахнадан түсіп, көрермендердің арасына барды. Бүкіл зал орындарынан тік тұрып, ерекше дауыс иесінен ыстық ықылас, құрмет пен қошеметін, құшақ-құшақ гүлін аямады.

Посмотреть эту публикацию в Instagram

Публикация от Aiym Astana (@aiym_abil)

Димаш Құдайбергеннің екінші концертінен жұрт "Керемет! 2,5 сағат бойы жалғыз өзі жанды дауыспен айтып шықты", "Жанкүйерлері жан-жақтан "Димаш" деп айғайлап жатқан кезде, өзімнің оларға қалай қосылып кеткенімді білмей қалдым", "Көрермендердің ықыласы керемет болды. Мұндайды біздің әншілердің ешқайсысының концертінен көрген жоқпын", "Мәскеуді мойындатты" деген сөздермен тарқасты.

Тақырып:
Димаштың жұлдызды жолы (120)

Тақырып бойынша

Димаштың Мәскеудегі концерті: көрермендер әртісті жібергісі келмеді – видео
Димаштың кісілігіне қайран қалдым – Данэлия Төлешова
Димаштың Кремльдегі концертіне келген мәскеуліктер: мәдени "шок" алдық - фото
Қанат пен Света Айтбаевтар Димаштың гонорары туралы айтты - видео
"Қазақ халқына мың алғыс" Димаштың концертінен халық қайтпай тұрып алды  
"Димаштың жолын қуамын": Ресей әншілерін тәнті еткен қазақ баласы өзі туралы айтты - видео
Кілт сөздер:
фото, кремль, видео, Игорь Крутой, Мәскеу, Димаш Құдайберген
Загрузка...

Басты тақырып