НҰР-СҰЛТАН, 24 мамыр — Sputnik. Әлемге әйгілі қазақ әншісі Димаш Құдайберген алғашқы альбомы қашан шығатынын хабарлады.
"Туған күнімнің құрметіне алғашқы жеке альбомым шығатын күнді жариялаймын. 14.06.2019", - деп әнші Instagram парақшасында жазды.
Альбомның атауы әзірге белгісіз.
Посмотреть эту публикацию в Instagram
Айта кетсек, бүгін танымал әнші туған күнін атап өтіп жатыр – ол 25-ке толды.
Димаштың туған күні және алған сыйлықтары
Димаш Құдайбергеннің фанаттары сүйікті әншісін туған күнінде неше түрлі сыйлықпен таңғалдырып жатады. Бұдан бұрын хабарланғандай, Қытайдағы жанкүйері Димаштың портретін моншақпен салып, сыйға тартқан.
Сондай-ақ, туған күніне орай фанаттары Алматының LED экрандарындағы ролик арқылы құттықтауын жеткізді.
2017 жылы қарашада Димаш Alibaba Group компаниясының құрылтайшысы Джек Маның қолынан сый-сияпат алды. Бірақ қандай сыйлық екені белгісіз.
Посмотреть эту публикацию в Instagram
Нұр-Сұлтандағы жеке концерті
Қазір Димаш Нұр-Сұлтанда 29 маусымда өтетін жеке концертіне дайындалып жатыр.
Бұдан бұрын ол "Арнау" шоуының проморолигін жариялаған болатын.
Посмотреть эту публикацию в Instagram
Көптен күткен кеш "Астана Арена" стадионында Елорда күніне орай өтеді.
