НҰР-СҰЛТАН, 26 қазан — Sputnik. Әлемге әйгілі әнші Димаш Құдайберген Нью-Йоркке ұшып келді. Әуежайдағы кездесу түсірілген видеолар әлеуметтік желіде таралып жатыр.
Димаш Құдайбергенді әуежайдан америкалық фанаттары ыстық ықыласпен қарсы алды. Олар әншіні жан-жақтан қаумалап, суретке түсіп, қолтаңбасын алып, сыйлықтарын беріп жатты.
Посмотреть эту публикацию в Instagram
Әншінің өнеріне табынушылар оны көлікке дейін шығарып салды. Олар Димашқа алғыстарын жаудырып, мәре-сәре болып, көпке дейін тарқамады. Қарсы алғандардың ішінде қазақтың ұлттық киімін киген кішкентай қыз да болды.
"Америкаға ұшып келдік. Әуежайдан күтіп алған барлығыңызға алғыс айтамын. Сіздерді жақсы көремін", - деп жазды Димаш әлеуметтік желідегі парақшасында.
Әлеуметтік желі қолданушылары америкалық фанаттардың әншіні өте жақсы қарсы алғанын, тіпті Димаштың өзі де мұндайды күтпегенін жарыса жазып жатыр. АҚШ-та әншінің өнерін бағалайтындар қатары көбейген.
Посмотреть эту публикацию в Instagram
Айта кетсек, Димаш Құдайберген бүгін, 26 қазанда Нью-Йоркте ресейлік композитор Игорь Крутойдың концертінде ән айтады.
Ал Димаштың АҚШ-тағы жеке концерті 10 желтоқсанда Barclays Center өтеді. Концерт залына 19 мың адам сыяды.
