Экономика

Нан кәрзеңкесі: Қазақстан бүкіл Еуразияны тойдыра алдады

© Sputnik / Артем Креминский / Медиабанкке өтубидай
бидай - Sputnik Қазақстан
Жазылу
Қазақстан ауыл шаруашылығы өнімдерінің экспортынан сапалы өңделген өнімдерді жеткізуге өтпек

АСТАНА, 31 қаң – Sputnik. Аграрлық сектор экономиканың жаңа драйверіне айналуы керек, деп санайды республика президенті Нұрсұлтан Назарбаев.

"Қазақстанның агроөнеркәсіп кешенінің болашағы зор. Көптеген позициялар бойынша біз әлемде ірі аграрлық экспорттық өнім өндірушілердің бірі бола аламыз. Бұл, әсіресе, экологиялық таза тағамдарға қатысты. "Made in Kazakhstan" бренді сондай өнімдердің эталоны болуға тиіс" – делінген ел президентінің Қазақстан халқына арнаған жолдауында. 

Урожай зерна - Sputnik Қазақстан
Экономика
АШМ: Қазақстан рекордтық астық жинады

Елбасының пікірінше, Қазақстан астық өнімдері бойынша біз Еуразияда "нан кәрзеңкесі" болуы керек. "Шикізат өндірісінен сапалы өңделген өнім шығаруға көшу қажет. Тек сонда ғана біз халықаралық нарықтарда бәсекеге қабілетті бола аламыз", — деген сенім білдірді ол.

Мемлекет басшысы Үкімет пен әкімдерге мынадай тапсырмалар берді: біріншіден, субсидияларды бөлу қағидаларын қайта қарастырып, біртіндеп өнімді сақтандыруға көшу қажет; екіншіден, бес жыл ішінде 500 мыңнан астам жеке үй шаруашылықтары мен шағын фермерлерді кооперативтерге тартуға мүмкіндік беретін жағдай жасау керек; үшіншіден, өнімнің өңдеу сапасын жақсартып, тауарларды сақтаудың, тасымалдаудың және өткізудің тиімді жүйесін құру қажет; төртіншіден, еңбек өнімділігін белсенді түрде арттырып, өндіріс шығындарын төмендету керек; бесіншіден, жерді пайдалану тиімділігін арттыруға тиіспіз. Суармалы егіс алаңын 5 жыл ішінде 40%-ға кеңейтіп, 2 миллион гектарға жеткізу қажет; алтыншыдан, өндірісте сұранысқа ие аграрлық ғылыми зерттеулерге салынатын инвестиция көлемін арттыру керек.

"Ауыл шаруашылығын әртараптандырып, 2021 жылға қарай азық-түлік тауары экспортын 40%-ға көбейтуді тапсырамын", — делінген құжатта

Бұл міндеттер агроөнеркәсіп кешенін дамытудың жаңа мемлекеттік бағдарламасы аясында іске асырылуы қажет.


Жаңалықтар
0